Með reglulegri tannhreinsun og eftirliti hjá tannlækni auk góðrar munnhirðu er hægt að halda tannskemmdum og tannholdsbólgum í lágmarki. Í almennri skoðun eru teknar röntgenmyndir og hreinsaður tannsteinn, ásamt því að fara yfir ástand tanna. 

Á stofunni notum við einungis hvít fyllingarefni.
Stærð fyllingar og fjöldi flata ræðst af umfangi skemmdar. 

Tennur þarf að rótfylla ef sýking hefur orðið í taugaholi eða tönn hefur orðið fyrir áverka sem skaðað hefur taugina. Rótfylling er oftast um 2-3 heimsóknir og veltur kostnaður meðferðarinnar á hversu margir rótargangar eru í viðkomandi tönn. Á stofunni sjáum við um allar almennar rótfyllingar og erum við í samstarfi við rótfyllingarsérfræðinga sem við vísum á í flóknari tilfellum. 

Fjarlægja þarf tennur þegar þær eru það illa farnar að ekki er hægt að bjarga þeim. Stundum þarf að fjarlægja endajaxla ef ekki er nægilegt pláss í kjálkabeininu.

Kjálkabreiðmynd gefur góða yfirsýn yfir stöðu tanna í kjálkabeininu ásamt ástandi róta og beins. Kjálkabreiðmyndir eru teknar í upphafi og við lok tannréttingarmeðferða, við fyrstu skoðun. Einnig eru kjálkabreiðmyndir teknar með reglulegu millibili í almennum skoðunum, fyrir úrdrætti á endajöxlum og tannplanta aðgerðir. 

 

Á stofunni bjóðum við upp á ýmsar meðferðir sem bæta útlit tanna og hjálpa til við að fegra brosið. Meðal annars tannhvíttun, postulíns krónur/skeljar, Composit/plast skeljar og tannréttingar með Invisalign.